30 мая 2008 г.
Ачалăх... Ирхи сывлăм пек таса та чечек пек илемлĕ вăхăт. Вăл кашниншĕн пĕр евĕр: хĕм сапакан çутă хĕвел, кăвак тÿпе, ăшă çумăр хыççăн ланкашкасем тăрăх ăмăртмалла чупни, вăрман уçланкинче çырла пуçтарни, аслисем ĕç хушсан хăмла çырли тĕмми айне пытанни е анне хулă йăтса килнине асăрхасан чие йывăççи тăррине улăхса хăтăлса юлни, "иккĕ" илсен атте хăлхаран туртни, пахчара çум çумлани, киле парса янă ĕçе туманнине отличникран çырса илни...
1954 çулта Пĕрлештернĕ нацисен организацийĕн Генеральнăй Ассамблейи пур çĕршывра та Ачасене хÿтĕлемелли Пĕтĕм тĕнчери куна çирĕплетнĕ. Çавăнтанпа кашни çулах ачасен уявне ирттеретпĕр.