Публикации » Выльăх апачĕ хатĕрлеме тухĕç

16 июня 2017 г.

   Республикăра тепĕр хĕрÿ тапхăр - утçи пуçланать. Выльăх апачĕ хатĕрленĕ çĕре çынсем те, ял хуçалăх техники те йышлăн хутшăнать. Ĕççие вăхăтра тата инкексĕр йĕркелесе ирттерес тесессĕн комбайнсен юсавлăхĕ тĕп вырăнта пулмалла.
   Çулсерен ял хуçалăх техникине уй-хире выльăх апачĕ хатĕрлеме илсе тухиччен техтĕрĕслев витĕр кăлараççĕ. Нумаях пулмасть районти технадзор инспекцийĕн начальникĕ Александр Семенов тата районти технадзорăн аслă инспекторĕ Олег Микушин Киров ячĕллĕ ЯХПКра пулнă. Ку хуçалăхра выльăх апачĕ хатĕрленĕ çĕре икĕ Е-281 тата пĕр Е-303 комбайнсене явăçтарĕç. Палăртнă кун вĕсем пурте техтĕрĕслев тухнă.