Публикации » Дружинниксене чысланă

09 июня 2017 г.

Районта «Чи лайăх дружинник» конкурс пыни çинчен хаçатра çырса пĕлтернĕччĕ. Çак кунсенче унăн кăтартăвĕсене   пĕтĕмлетнĕ.   Аса илтеретпĕр, конкурс тăватă тапхăрпа ака уйăхĕн 26-мĕшĕнчен пуçласа çу уйăхĕн 26-мĕшĕччен пынă. Çĕнтерÿçĕсене балсен шучĕпе палăртнă. 103,5 балл пуçтарса Асхва ял тăрăхĕн дружинникĕ Юрий Викторович Иванов пĕрремĕш вырăна тухнă. Шаккăл ял тăрăхĕн дружинникĕ Владимир Иванович Матросов иккĕмĕш пулнă, унăн - 89 балл. Вăтакас Кипеч ял тăрăхĕн дружинникĕ Елена Анатольевна Кузьмина 84 балл пуçтарнă, вăл - виççĕмĕш вырăнта. Çĕнтерÿçĕсене район администрацийĕн пуçлăхĕ Владимир Степанов ларусем ирттермелли залра савăнăçлă лару-тăрура чысланă. Дружинниксене дипломсем тата укçа парса хавхалантарнă.