Публикации » Акатуй умĕн комисси уйсене пăхса çаврăнчĕ

09 июня 2017 г.

Йăлана кĕнĕ тăрăх кашни çулах çурхи уй-хир ĕçĕсене вĕçлесен тырă мĕнле шăтнин тĕрĕслевне ирттереççĕ. Район администрацийĕн пуçлăхĕн çумĕ Анатолий Егоров ертсе пыракан комисси (вăл йышра район администрацийĕн АПК организацийĕсемпе çыхăнса ĕçлекен тĕп эксперт специалисчĕ Валерий Долгов) çак кунсенче хуçалăх ертÿçисемпе анасене пăхса çаврăнчĕç.
«Канмаш» хуçалăхăн тата В.Никонов фермерăн уйĕсем таса, ешĕл калчапа витĕннĕ, вĕсем çăра шăтса тухнă. Комисси вĕсене пĕрремĕш вырăн пама йышăнчĕ. Иккĕмĕш вырăна АСК «Канаш» тата И.Лукьянов фермер пайларĕç, Киров ячĕллĕ ЯХПКн тата А.Владимиров фермерăн - виççĕмĕш кăтарту.
Çавăн пекех комисси «Путь Ленина», «Агат» хуçалăхсен тата В.Петровпа В.Герасимов фермерсен тырă анисене лайăхпа палăртса хăварчĕ.

Анастасия ИВАНОВА