12 мая 2017 г.
Урамсенче, обществăлла вырăнсенче йĕрке мĕнле пуласси саккуна пăсакансене хирĕç административлă майпа витĕм кÿнинчен нумай килет.
2017 çул пуçланнăранпа районта 553 административлă протокол шута илнĕ, 315 административлă ĕçпе штраф хунă. Мĕнпур постановленирен 378-шĕ пурнăçа кĕмен.
Штраф тÿлемен çынсене тупса палăртас, вĕсене явап тыттарас тĕллевпе апрелĕн 18-19-мĕшĕсенче «Должник» операци ирттертĕмĕр.
Палăртнă вăхăтра штраф тÿлемен çынсене РФ КоАПĕн 20.25 статйипе тепĕр хут явап тыттарса е пĕр пин тенкĕрен кая мар штраф хураççĕ, е вун пилĕк талăка арестлеççĕ.
Административлă ĕçе миравай судья пăхса тухать. Административлă штрафа судья постановлени кăларнă кунран 60 кун хушшинче тÿлемелле. Тĕплĕнрех районти шалти ĕçсен органĕсенче е 49261 телефонпа ыйтса пĕлме пулать.
Эдуард ЯКОВЛЕВ,
районти полици начальникĕн çумĕ,
полици подполковникĕ