12 мая 2017 г.

Апрелĕн 1-мĕшĕнче çурхи призыв пуçланчĕ. Иртнĕ ытларикун Канаш хулинчен çамрăксен пĕр ушкăнне Раççей çарне хĕсмете ăсатрĕç. Çичĕ ачаран тăракан команда нацгварди (спецназ) ретне тăрать: Владимир Артемьевпа Дмитрий Иванов (Тăвай районĕнчен), Александр Васильев (Шăхасан), Юрий Григорьев (Чакаç), Руслан Иванов ?Мăкăр/, Константин Константинов (Ушанар), Владислав Сергеев (Шăхасан). Ăсату Канашри призыв пунктĕнче иртрĕ, кунта Канаш хулин тата Канашпа Тăвай районĕсен çар комиссарĕ Юрий Барышов, пулас салтаксен тус-юлташĕ, тăванĕсем тата ашшĕ-амăшĕ пуçтарăнчĕç. «Тăван çĕршыва хÿтĕлесси – кашни çыннăн таса тивĕçĕ», - палăртрĕ çар комиссарĕ.
Кашни салтакăн çар профессине алла илмелле. Шăп та лăп çулталăк пурнăçлĕç хăйсен çар тивĕçне чăваш каччисем.
Çар чаçне çĕршывăн пулас хÿтĕлевçисем апрелĕн 27-мĕшĕнче тухса кайнă. Тепĕр çуркуннеччен çĕршыва сыхламалла вĕсен...
Çамрăксене хĕсметре юлташсем тупма, службăна таса тивĕçпе пурнăçлама сывлăх, телей сунатпăр!
Анастасия ИВАНОВА