14 апреля 2017 г.
Тÿпери тăри паян-ыран çĕр пиçессе кĕтекен ĕçчене уя илĕртсе илемлĕ юрă шăрантарать. «Цивиль» тулли мар яваплă пĕрлĕхре вăй хуракансем шухăшпа тахçанах акара пулĕ, вĕсем çурхи уй-хир ĕçĕсене ирттерме тĕплĕн хатĕрленнĕ. Машин-трактора унчченех юсанă, сăрласа çĕнĕ сăн кĕртнĕ. Кунти механизаторсем хăйсене шанса паракан кирек мĕнле техника хатĕрĕпе килти япала пекех типтерлĕ усă кураççĕ. Александр Порфирьев, Виктор Яковлев, Алексей Данилов, Вениамин Яковлев, Виктор Иванов (сулахайран сылтăмалла) акара та, сухара та, вырмара та, утçире те хăйсем çине илнĕ яваплăха туллин пурнăçлаççĕ.