05 апреля 2017 г.
Çуркуннехи каникул вăхăтĕнче вĕрентекенсем çулсерен волейболла выляса ăмăртаççĕ. Кăçал çак ăмăрту пуш уйăхĕн 31-мĕшĕнче иртнĕ. Спорт мероприятине педагогсен районти профсоюз организацийĕ йĕркеленĕ, ăна Ольга Григорьева ертсе пырать.
Учительсен командисем Уçырма тата Хучел шкулĕсен спорт залĕсенче вылянă. Мала тухассишĕн пĕтĕмпе 7 шкул тупăшнă. Турнир çĕнтерÿçи ята кăçал Шелттем шкулĕ тивĕçнĕ. Иккĕмĕш вырăна Ямаш шкулĕ тухнă, Хучел шкулĕн команди виççĕмĕш пулнă.
Çĕнтерÿçĕ командăна куçса çÿрекен Кубок, грамота тата волейбол сетки парса чысланă. Ытти ушкăнсене пылак çимĕçпе тата асăнмалăх парнесемпе хавхалантарнă.
Ольга ГРИГОРЬЕВА