22 марта 2017 г.
Канаш хулинчи ачасене пĕтĕмĕшле пĕлÿ паракан вĕренÿ учрежденийĕсен «Театрти çуркунне» фестивалĕ тунтикун И.А.Кабалин ячĕллĕ 11-мĕш вăтам шкулта уçăлчĕ. Унта шкулсенче чăваш чĕлхипе литературине вĕрентекенсем, театр искусствине кăмăллакансем, вĕренекенсем пуçтарăнчĕç. Культура уявне уçнă çĕре РСФСР Халăх артистки, Чăваш Республикин тава тивĕçлĕ артистки Нина Михайловна Яковлева (сулахайран иккĕмĕшĕ) хутшăнчĕ. Вăл республикăри чи сумлă театрсенчен пĕрин - К.В.Иванов ячĕллĕ Чăваш патшалăх академи драма театрĕн историйĕпе кун-çулĕ çинчен каласа кăтартрĕ, хăйĕн пултарулăх çул-йĕрĕпе паллаштарчĕ. Артист пулма ĕмĕтленекен çамрăксене ырă сĕнÿ-канаш пачĕ. Ку тĕлпулу çинчен тĕплĕнрех хаçатăн çитес номерĕнче çырса кăтартăпăр.
Ирина АНДРЕЕВА тексчĕпе сăн ÿкерчĕкĕ