03 марта 2017 г.
Паян шкулта ачасен шухăшлавне аталантарассипе нумай ĕçлеççĕ. Ку енĕпе проект ĕç-хĕлне уйрăммăн палăртмалла.
Вырăскас Пикших вăтам шкулĕнче вырăс чĕлхипе «Мăнаçлă вырăс чĕлхи» тĕпчев проекчĕсен фестивалĕ иртрĕ. Районти шкулсенче вĕренекенсем хăйсен ĕçĕсемпе туллин паллаштарчĕç.
Пайкилт вăтам шкулĕнчен фестивале Кристина Семеновăпа Ольга Воронова хутшăнчĕç. Вĕсем «Шкул хаçачĕ» проекта хÿтĕлерĕç. Ку проект пирĕн шкулта ăнăçлă ĕçлет. 9-мĕш класра вĕренекенсем чĕрĕкре пĕр хутчен шкул пурнăçĕ, уявсем çинчен каласа паракан «Шăнкăрав» хаçат кăлараççĕ. Вĕсен ĕçне пысăк хак панă, хĕрачасем конкурс призерĕсем пулса тăнă.
Елена ВАСИЛЬЕВА,
вырăс чĕлхи вĕрентекенĕ