18 января 2017 г.
.jpg "Кăшарни уявĕнче шыва кĕрĕпĕр")
Кăшарни уявĕ çывхарнă май республикăри районсемпе хуласенче муниципалитетсен влаçĕсем халăх йышлăн шыва кĕмелли 67 вырăн хатĕрленĕ.
Раççей МЧСĕн республикăри Тĕп управленийĕнчен пĕлтернĕ тăрăх _ асăннă вырăнсенче пăр хулăнăшне виçнĕ, шыв тĕпне водолазсем тĕрĕсленĕ. Чылай вырăнта ăшăнмалли ятарлă пунктсем пулĕç.
Кăрлачăн 18-мĕшĕнче çĕрле пăр касса тунă ваксем патĕнче çăлавçăсемпе медиксем ĕçлĕç, çынсен хăрушсăрлăхне тивĕçтерĕç. МЧС подразделенийĕсем служба тивĕçĕсене уйрăм режимпа пурнăçлама палăртнă, вас- кавлă службăсем талăкĕпех дежурствăра пулĕç.