Публикации » Яваплă ĕç çывхарать

30 марта 2016 г.

Иртнĕ эрнере 2016 çулта Пĕтĕм Раççейри ял хуçалăх çыравне хатĕрленсе ирттерессипе ĕçлекен районти комиссин черетлĕ ларăвĕ пулнă. Калаçу çырав объекчĕсен списокĕсене актуализацилесси тата çырав тапхăрĕ пынă вăхăтра информаципе ăнлантару ĕçĕсем ирттересси çинчен пынă. 
Пĕрремĕш ыйтупа паташлăх статистика службин Канаш хулипе тата Канаш районĕпе ĕçлекен управленийĕн тĕп эксперт специалисчĕ А.Софронова паллаштарнă. Аэлита Станиславовна палăртнă тăрăх, çырава хатĕрленнĕ чухнехи чи яваплă ĕçсенчен пĕри _ ял хуçалăх продукцийĕ туса илекен пĕтĕм çынна список тăрăх тĕрĕслесе палăртасси. 
Ял хуçалăх çыравĕн объекчĕсен списокне тĕрĕс палăртас тĕлĕшпе Росреестрăн информацийĕпе тата хуçалăх кĕнекинче шута илнĕ даннăйсемпе усă курмалла.
2016 çулхи июлĕн 1-мĕшĕнчен пуçласа августăн 15-мĕшĕччен районта пурăнакан çынсен хуçалăхĕсем çырав объекчĕсем пулса тăраççĕ. Ялта пурне те шута илеççĕ, хулара _ суйласа илсе. Ял хуçалăх организацийĕ- сем çырав хутне хăйсем тĕллĕн тултарса электронлă майпа ярса пама пултараççĕ. Çавнашкалах фермер хуçалă- хĕсем те. Уйрăм хуçалăхсене çыруçăсем çыраççĕ.
Хамăр инф.