Публикации » Финала пирĕн ентеш те хутшăннă

30 марта 2016 г.

Çĕнĕ Шупашкарти Ачасемпе çамрăксен пултарулăх аталанăвĕн центрĕнче Ĕç çыннин çулталăкне халалласа республикăн «Ĕç хĕрарăмне мухтатпăр» фестивалĕ иртнĕ. Суйласа илмелли турсем малтан Чăваш Енри хуласемпе районсенче пулнă. Финала 21-ĕн тухнă. Чăваш Республикинчи хĕрарăмсен пĕрлĕхĕ çакăн пек фестивале 2010 çултанпа йĕркелет. 
Конкурсантсене Чăваш Енри хĕрарăмсен пĕрлĕхĕн председателĕ О.Зайцева, ашшĕсен канашĕн председателĕ В.Викторов, сывлăх сыхлавĕн министрĕ А.Самойлова, хĕрарăмсен «Чăваш Енри хĕрарăмсен пĕрлĕхĕ» обществăлла организацийĕн Ыр кăмăллăх фончĕн попечительство канашĕн председателĕ Л.Игнатьева, Çĕнĕ Шупашкар хулин хисеплĕ гражданинĕ Р.Скворцова саламланă, ăнăçу, савăк кăмăл, çĕнĕ çĕнтерÿсем суннă.
Фестивале хутшăнакансем хăйсемпе паллаштарнă, «Ĕçлекен çын _ мăнаçлăн янăрать» тата «Эпĕ ĕмĕтленнĕ ĕç тумĕ» дефилене хутшăннă. 
Фестивальте район чысне Киров ячĕллĕ ял хуçалăх производство кооперативĕн машина сăвăмĕн операторĕ Е.Тимофеева хÿтĕленĕ. Конкурсантсемпе пĕрле Еленăна та фестивале хастар хутшăннăшăн дипломпа наградăланă, хаклă парне тата илемлĕ чечек çыххи панă. 
Алексей ВИТАЛЬЕВ