27 марта 2013 г.
Республикăри "Урожай" спорт обществи ял хуçалăх предприятийĕсен ертÿçисенчен йĕркеленĕ командăсем хушшинче мини-футболла выляса мала тухассишĕн ăмăртусем йĕркеленĕ. Финалти вăйăсем Етĕрне хулинчи "Присурье" физкультурăпа спорт комплексĕнче иртнĕ. Унта 6 команда хутшăннă. Малтанхи тĕлпулусенче канашсен команди етĕрнесене 7:0, елчĕксене 4:0 шутпа парăнтарнă. Çурма финалта пенальтипе вăрмарсене çĕнтернĕ – 4:3. Финалта Хĕрлĕ Чутай районĕн командипе тĕл пулнă. Вăл пирĕннисем 3:0 шутпа çĕнтернипе вĕçленнĕ.
Район командишĕн район администрацийĕн пуçлăхĕ В.Софронов, хресчен (фермер) хуçалăхĕн ертÿçи Ю.Михайлов, чăх-чĕп фабрикин директорĕн ĕçĕсене туса пыракан В.Федотов, "Урюм" ЯХПК, "Победит", "Сормовский" тата "Канмаш" агрофирма" ертÿçисем Ю.Антонов, Д.Семенов, В.Степанов, А.Лапшин вылянă.
А.ВИТАЛЬЕВ.