07 марта 2013 г.
Районта агропромышленность комплексĕн ветеранĕсен канашĕ ĕçе пуçăнчĕ. Ларăва райадминистраци пуçлăхĕ В.Софронов уçрĕ. Чăваш Республикинчи АПК ветеранĕсен союзĕн правленийĕн пĕрлехи председателĕ Н.Иванов ветерансен союзĕ мĕнле ĕçлесе пыни çинчен, çакăн пек организаци Канаш районĕнче те кирли çинчен пĕлтерчĕ.
Ларура районти АПК ветеранĕсен канашĕн уставне çирĕплетрĕç. Пĕр саслăн пулса председателе район администрацийĕн АПК организацийĕсемпе çыхăнса ĕçлекен пайĕн тĕп эксперт специалистне В.Долгова, унăн çумне Киров ячĕллĕ ЯХПК председателĕн çумне Ю.Александрова, казначее ятарлă программăсен секторĕн тĕп специалистне Н.Кочкинăна, ревизора Киров ячĕллĕ хуçалăхра нумай çул тĕп агрономра ĕçленĕ Э.Яковлевăна суйласа лартрĕç.
Лару çĕнĕ организацине сĕнÿсемпе канашсем панипе вĕçленчĕ.
В.АЛЕКСЕЕВ.