06 марта 2013 г.
Кăçалхи нарăсăн 1-11-мĕшĕсенче Чăваш Республикин культура министерствин сайтĕнче республикăри культурăпа тата çут çанталăкпа çыхăннă уйрăмах паллă вырăн пирки Интернет-сасăлав иртнĕ. Вĕсене "Раççей" тематика паркне кĕртме палăртнă.
Сасăлава 1425 çын хутшăннă. Списокри 22 объектран культурăпа истори еткерлĕхĕ шутланакан çак палăксем чи нумай сасă пухнă: Сăваплă Троица мăнастирĕн чиркĕвĕ (Улатăр), СССР космонавт летчикĕн А.Г.Николаевăн Асăну комплексĕ (Сĕнтĕрвăрри районĕ, Шуршăл), "Бичурин тата хальхи вăхăт" (Шупашкар районĕ), Шупашкарти кÿлмек тата Хĕрлĕ лапам, Çĕрпÿри хĕрарăмсен Тихвин мăнастирĕ, Чăваш наци музейĕн филиалĕ – В.И. Чапаев музейĕ тата Чăваш наци музейĕ.
Н.ГЕОРГИЕВА.