01 марта 2013 г.
Биологине вĕрентекенсен методика фестивалĕ кăçал Элĕкри, çак районти Питĕшкасси тата Тавăт вăтам шкулĕсен базинче иртрĕ. Професси ăсталăхĕн 3-мĕш фестивальне пирĕн районтан 12-ĕн хутшăнчĕç. Жюри членĕсем вĕсем ирттернĕ уçă уроксене тата класс тулашĕнчи мероприятисене лайăх хак пачĕç.
Сухайкасси тата Шăхасан шкулĕсен биологĕсем Юлия Федоровăпа Елена Игнатьева "Классика çине таянса", Ольга Николаева (Пайкилт), Александр Кудряшов (Карăклă) тата Ирина Владимирова (Шаккăл) "Биологие юратнăшăн", Леонилла Ильина (Хучел) тата Анна Кудряшова (Карăклă) "Класс тулашĕнчи чи лайăх мероприяти" номинацисенче палăрнăшăн дипломсене тивĕç пулчĕç.
В.ТИМОФЕЕВ,
районти шкулсенче биологи тата хими вĕрентекенсен методика пĕрлешĕвĕн ертÿçи.