22 февраля 2013 г.
Нарăсăн 19-мĕшĕ Атнаш тăрăхĕнче пурăнакансемшĕн ĕмĕрлĕхех асра юлнă, ял историйĕн çĕнĕ страницине паллă пулăм çырăннă. Мĕнпе чапа тухнă-ха çак кун; Ялта Çветтуй Николай Чудотворец чиркĕвĕ уçăлнă. Ăна Шупашкар тата Чăваш Ен митрополичĕ Варнава сăвапланă, пĕрремĕш кĕлĕ ирттернĕ. Малашне кунта ачасене шыва кĕртĕç, венчете тăрĕç, тĕн йăлисемпе уявĕсем ирттерĕç.
Чиркĕве савăнăçăлă лару-тăрура уçнă çĕре район администрацийĕн пуçлăхĕ В.Софронов, хулари тата районти чиркÿ çыннисем, предприятисемпе организацисен ертÿçисем, ял çыннисем пынă. Вĕсенчен нумайăшĕ чиркĕве вăхăтра туса пĕтерме укçа парса пулăшнă. Строительство ĕçĕсем Александр атте ертсе пынипе 2009 çултанпа пынă.
А.ТЯМИНА.