11 декабря 2015 г.
Раштавăн 3-6-мĕшĕсенче Çĕрпÿ хулинче Н.Я. Фомин интернационалист воина асăнса тата Чăваш Республикин физкультурăн тава тивĕçлĕ ĕçченĕ Н.В. Ремеслов 50 çул тултарнине халалласа "Асамат" спорт комплексĕнче Пĕтĕм Раççейри бокс турнирĕ иртрĕ.
Ăмăртусене Шупашкар, Çĕнĕ Шупашкар, Çĕрпÿ, Канаш, Çĕмĕрле, Тутарстанри Зеленодол, Чулхула облаçĕнчи Кстов хулисенчен, Элĕк, Красноармейски, Муркаш, Шăхасан салисенчен, Лапсар поселокĕнчен 120 ытла спортсмен хутшăнчĕ.
2002-2003, 2000-2001 çулсенче çуралнисем, 1997 çулта çуралнă тата аслăрах ÿсĕмрисем тупăшрĕç. Ку ÿсĕмре ачасемпе çамрăксен "Импульс" спорт шкулĕнче вĕренекен атлетсем те вăй виçрĕç: Евгений Никифоров, Кирилл Ложкин, Анатолий Толстов, Дмитрий Никифоров.
Пирĕн боксерсем рингра хăйсене лайăх кăтартрĕç, харпăр хăй виçе категори-йĕсенче малти вырăнсене çĕнсе илчĕç. Евгений Никифоров ?66 кг çитиччен/, Кирилл Ложкин ?85 кг çитиччен/ пĕрремĕш вырăн йышăнчĕç. Анатолий Толстов ?66 кг çитиччен/ хăйпе пĕр клубра ăсталăх туптакан Евгений Никифорова темиçе очко кăна выляса ярса иккĕмĕш вырăна тухрĕ.
Маттур, ачасем, спортра та, вĕренÿре те пысăк ÿсĕмсем тума ăнăçу сунатăп сире.
Юрий ЗАХВАТОВ,
"Импульс" спорт шкулĕн тренерĕ.