11 декабря 2015 г.
Чăваш патшалăх ял хуçалăх академийĕн 13 студентран тăракан делегацийĕ ял хуçалăх предприятийĕсен, хресчен ?фермер/ хуçалăхĕсен ĕç-хĕлĕпе паллашас, ĕç вырăнне малтанах палăртса хурас тĕллевпе пирĕн районта пулчĕ. Вĕсен ертÿçи _ ял хуçалăх машинисене эксплуатацилеме вĕрентекен кафедрăн преподавателĕ А.Михайлов. Паллаштару ĕçне район администрацийĕн агропромышленность организацийĕсемпе çыхăнса ĕçлекен пай пуçлăхĕн çумĕ В.Никоноров тата районăн тĕп ветврачĕ М.Кошкин туса пычĕç.
Пĕрремĕш чарăну Киров ячĕллĕ ял хуçалăх производство кооперативĕн Атнашри сĕт-çу ферминче пулчĕ. Ăна 2013 çулта хута янă. Специалистсен ĕç условийĕпе, ĕç вырăнĕсемпе, кооператив мĕнле аталаннипе паллашрĕç, хăйсене интереслентерекен ыйтусен хуравĕсене илтрĕç. Ферма заведующийĕ ветеринари специалисчĕсем валли ĕç пуррине пĕлтерчĕ. Çĕнĕ Шелттемри А.Суховеев фермер нумаях пулмасть туяннă çĕнĕ техникăпа, вĕсене мĕнле пăхса тăнипе паллаштарчĕ. Кунти хăна çурчĕ-отель студентсене питĕ кăмăла кайрĕ. Фермер инженери факультетĕнче вĕренекенсене диплом илсен хăй патĕнче ĕçлеме йыхравларĕ. Выльăх чирĕсемпе кĕрешекен станцире, чăх-чĕп фабрикинче нумай çĕнни пĕлчĕç академире пĕлÿ илекенсем.
Тĕлпулу ыйту-хурав йĕркипе вĕçленчĕ.
А.ВИТАЛЬЕВ.