Публикации » Тĕп вырăнта - çырăнтару ĕçĕ

09 декабря 2015 г.

Нумаях пулмасть "Раççей Почти" ФПУн Канашри почтамтĕнче хулари тата районти çыхăну уйрăмĕсен ертÿçисен канашлăвĕ иртрĕ. Унта 2015 çулăн иккĕмĕш çур çуллăхне тата 2016 çулăн пĕрремĕш çур çуллăхĕ валли хаçат-журнал çырăнтарасси мĕнле пынине тишкерчĕç.
"Канаш" тата "Канаш ен" хаçатсене халăх хушшинче анлă сарассипе Чакаç ?начальникĕ Мария Васильева/, Шăхасан ?Наталия Гаврилова/, Уçырма ?Ираида Григорьева/ çыхăну уйрă-мĕсем хастартарах ĕçленине палăртрĕç. Канаш хулинче тĕп почтамта, 4-мĕш ?ертÿçи Елизавета Миронова/, 5-мĕш ?Анжелика Семенова/ çыхăну уйрăмĕсене палăртмалла. 
Хальхи вăхăтра 2016 çулăн пĕрремĕш çур çуллăхĕ валли хаçат-журнал çырăнтарас тапхăр пырать. 
Килес çул валли "Канаш" тата "Канаш ен" хаçатсене Канаш район сучĕ, Шупашкарти медицина колледжĕн Канашри филиалĕ тата ытти учрежденисем ытларах çырăнма кăмăл туни пире савăнтарать.
"Канаш ен" хаçат редакцийĕ Почта çыхăнăвĕн уйрăмĕсем тата почтальонсем хушшинче конкурс ирттерет. Вăл декабрĕн 1-мĕшĕнчен пуçласа 31-мĕшĕччен пырать. Конкурс йĕркине кашни çыхăну уйрăмнех çитернĕ. Çĕнтерÿçĕсене дипломпа тата хаклă парнепе наградăлаççĕ. Конкурса хутшăннисен заявкисене Канашри почтамтра 2016 çулхи январĕн 16-мĕшĕччен йышăнаççĕ.
Пирĕн кăларăмсене çырăнса илекенсем хаçатра салам тексчĕ вырнаçтарас тесен ăна çур хакпа йышăнатпăр.
Петр ЕФИМОВ.