25 ноября 2015 г.
Ял хуçалăх ĕçченĕсен кунĕ ячĕпе ирттернĕ уявра, акатуйра хастар ĕçшĕн наградăсене тивĕç пулнисен йышĕнче кашнинчех Киров ячĕллĕ ял хуçалăх производство кооперативĕн ĕçченĕсем пур. Кăçал та вĕсем сахаллăн мар.
В.Алексеев Шăхасанти сĕт-çу ферминче пăрусем пăхать, çак ĕçре вăл 11-мĕш çул вăй хурать. Э.Январев вырма вăхăтĕнче комбайн штурвалĕ умне ларать, ытти чухне автомашинăпа тĕрлĕ ĕç тăвать.
Владимир Анатольевичпа Эдуард Геннадьевич кирек мĕнле ĕçе те вăхăтра пурнăçлаççĕ. Ĕçне кура хисепĕ: вĕсен ĕçне тĕрлĕ награда парса хакланă. Акă акатуйра та сцена çине чĕнсе илсе район администрацийĕн Хисеп грамотине тата хаклă парне пачĕç.
Паллах, хуçалăхăн çитĕнĕ-вĕсем, вăл районта кăна мар, республикăра та лайăххисен шутĕнче пулни тăрăшса ĕçлеме хистеççĕ. Апла пулсан, çакăнта вĕсен тÿпи те пур.
В.АЧЧА тексчĕпе сăн ÿкерчĕкĕ.