20 ноября 2015 г.
Киров ячĕллĕ ял хуçалăх производство кооперативĕ _ районта малта пыракан хуçалăхсенчен пĕри. Çитĕнÿ, паллах, чи малтан ертсе пыракансенчен нумай килет. Вĕсен хушăвĕсене тĕплĕн пурнăçлакансем, шаннă ĕçе тÿрĕ кăмăлпа туса пыракансем кооперативра сахал мар. Вĕсенчен иккĕшĕ, С.Ивановăпа Е.Тимофеева _ пирĕн ÿкерчĕкре.
Светлана Ивановна _ бухгалтери ĕçченĕ. Вăл хуçалăхăн укçа-тенкĕ шутне туса пыракан пайĕнче 30 çул ытла тăрăшать. Унăн тимлĕхне хисеп хучĕсемпе хакланă, Тав çырăвĕ, парне парса чысланă. Елена Геннадьевна çулĕпе çамрăк пулин те, ĕçченлĕхĕпе ял-йыш хисепне тивĕçнĕ. Вăл сĕт-çу ферминче ĕçлет. Производство кăтартăвĕсем тăрăх ăна районăн "Ĕнесене машинăпа сăвакан чи лайăх операторĕ" тесе йышăннă.
Виталий АЧЧА тексчĕпе сăн ÿкерчĕкĕ.