27 февраля 2015 г.
Нарăсăн 4-мĕшĕнче Пратьякас Енĕш ялĕнчи пĕр çуртăн тĕп сакайĕнче 61 çулти кил хуçин тата 56 çулти хĕрарăмăн виллисене тупнă. Çак фактпа следстви комитечĕн Канашри уйрăмĕ следстви умĕнхи тĕрĕслев ирттернĕ.
Арçынпа хĕрарăм ÿчĕсене хăнана пынă ял çыннисем асăрханă. Тĕп сакай алăкĕ уçă пулнă. Малтанхи даннăйсем тăрăх иккĕшĕ те сăмакун виçесĕр ĕçнипе пурнăçран уйрăлнă. Çурт хуçи хаяр шĕвеке тĕп сакайĕнче упранă. Çакăн çинчен пÿртри лару-тăру та лайăх кăтартса панă: урайĕнче те, тĕп сакайĕнче те пушă кĕленчесем выртнă. Арçынпа хĕрарăма ирĕксĕрлесе вĕлернин паллисем пулман.
Тĕрĕслев кăтартăвĕсем тăрăх тивĕçлĕ йышăну кăлараççĕ.
А.СТАЛЬСКИЙ,
следователь-криминалист.