Публикации » Ял хуçалăх çыравне тĕплĕн хатĕрленеççĕ

27 февраля 2015 г.

2016 çулта иртекен Пĕтĕм Раççейри ял хуçалăх çыравне хатĕрленес ĕç малалла пырать.  Росстат çак тĕллевпе ятарлă Комисси йĕркеленĕ, мероприятисен календарлă планне çирĕплетнĕ. Вырăнти статистика органĕсем çырава тивĕçлĕ шайра йĕркелесе ирттермешкĕн уйрăм çынсемпе килĕшÿ тăваççĕ, вĕрентÿсем ирттереççĕ. Информаци технологийĕсем аталанса пынине кура çыравçăсен шучĕ ытти çулсемпе танлаштарсан чылай сахалтарах пулĕ. Пĕтĕм ĕçе кашнине ятарласа уйăрнă планшетсем çинче пурнăçлĕç. GPS хатĕрĕ ĕç пахалăхне йĕркелесе пыма пулăшĕ. Çыравра пуçтарнă информаци Федераллă саккунпа килĕшÿллĕн ытти çынсемшĕн вăрттăнлăхра юлĕ.

А.СОФРОНОВА.