13 февраля 2013 г.
Кăрлач уйăхĕнче районта 43 ача хăй çут тĕнчене килни çинчен хыттăн уалатса систернĕ. Арçын ачасем – 25, хĕр пĕрчисем – 18. Ашшĕ-амăшĕ ытларах Егор, Александр, Евгений, Варвара тата София ятсене килĕштерех панă. Çемьере пĕрремĕшĕ – 16-ăн, иккĕмĕшĕ – 17-ĕн, виççĕмĕшĕ – 7-ĕн. Виçĕ çемьере ачасен йышĕ пиллĕке çитнĕ.
Çулталăкăн пĕрремĕш уйăхĕнче 5 мăшăр чăмăртаннă, пилĕк çемье арканнă. 32 арçынпа 23 хĕрарăм пурнăçран уйрăлса кайнă. Вилнĕ арçынсен вăтам çулĕ – 64, хĕрарăмсен – 72.
Канаш хулинче çулталăкăн пĕрремĕш уйăхĕнче 26 арçын ача тата 33 хĕрача хушăннă. Анлă сарăлнă ятсем – Артемий, Кирилл, Антон, Анна, Мария, Арина. Николаевсен çемйинче йĕкĕрешсем, Ольгăпа Юлия, çуралнă. 22 çамрăк çемье çавăрнă. 44 çын вилнĕ.
В.АЛЕКСЕЕВ.