08 февраля 2013 г.
Пирĕн хаçатра Лидия Филиппован калавĕсем тăтăшах пичетленнине нумайăшĕ асăрхарĕ пулĕ ĕнтĕ. Вăл – пирĕн ентеш, Малтикас ялĕнче çуралса ÿснĕ, паллă журналист, çыравçă, ăсчах. Хальхи вăхăтра Чăваш Республикин Патшалăх Канашĕн "Республика" хаçачĕн тĕп редакторĕ.
Нумаях пулмасть Лидия Филиппован Чăваш кĕнеке издательствинче "Ылханлă хура çĕмĕрт" кĕнеки кун çути курчĕ. Унта вăл ку чухнехи çамрăксен пурнăçĕнчи эпизодсене сăнласа парать. Кунта чĕрене çывăх çынна улталани те, вĕри куççуль те, савăнăç та, куляну та...Тен, вĕсенче чи кирли – маларах е каярах хăвăн йăнăшна ăнланса илни;
Хайлавсене аслă классенче вĕренекенсем тата студентсем валли çырнă. Кĕнекен презентацине Чăваш наци библиотекин Пысăк залĕнче ирттернĕ.
А.ВИТАЛЬЕВ.