Публикации » "Шевле" пултарулăхне те палăртнă

04 февраля 2015 г.

Кăрлач вĕçĕнче Шупашкарта тракторсем тăвакан заводăн Культура керменĕнче "Иксĕлми çăл куçсем-2015" радиоконкурсăн гала-концерчĕ иртнĕ. Вăл чăннипех те чăвашлăх уявĕ пулса тăнă. Раççейĕн тĕрлĕ регионĕнчен 28 пултарулăх коллективĕ килнĕ - 500 яхăн çын.

Ачча ял тăрăхĕн Катекри культура çурчĕн "Шевле" фольклор ушкăнĕ çак конкурса иккĕмĕш хут хутшăннă. Концерт сценарийĕпе килĕшÿллĕн пирĕн ентешсем программăн иккĕмĕш пайĕнче сцена çине тухнă. Вĕсем туй юррисене шăрантарнă. "Шевле" ушкăнăн пултарулăхне дипломпа хакланă, асăнмалăх парне панă.

В.КОНСТАНТИНОВ.