14 января 2015 г.
"Чăваш Республикинчи муниципалитет служащийĕсенчен чи лайăххи" конкурса пĕтĕмлетнĕ. Вăл икĕ номинаципе иртнĕ: районти, хула округĕнчи тата хула, ял тăрăхĕнчи чи лайăх служащи. Конкурсăн виççĕмĕш тапхăрне 30 е ытларах балл пухнисене кĕртнĕ. Çĕнтерÿçĕсене конкурса хутшăннисен рейтингне шута илсе палăртнă.
"Муниципаллă районăн, хула округĕн чи лайăх служащийĕ" номинацире Канаш хула администрацийĕн физкультурăпа спорт пайĕн пуçлăхĕ Искандер Мингалеев çĕнтернĕ. Çак номинацирех район администрацийĕн пурлăх тата çĕр хутшăнăвĕсен пайĕн секторĕн заведующийĕ Валерий Чернов виççĕмĕш вырăн йышăннă.
Т. ВЛАДИМИРОВА.