01 января 2015 г.
Çĕнĕ çула кĕрес умĕн "Импульс" физкультурăпа спорт комплексĕнче тата Çеçпĕл Мишши ячĕллĕ Шăхасан вăтам пĕлÿ паракан шкулĕн спорт залĕнче районти арçынсен командисен хушшинче "Пĕрлĕхлĕ Раççей" политика партийĕн вырăнти уйрăмĕн парнисене çĕнсе илессишĕн йăлана кĕнĕ ăмăртăвĕ иртнĕ. Ăна савăнăçлă лару-тăрура район администрацийĕн пуçлăхĕ В.Софронов, партин вырăнти уйрăмĕн ĕçтăвкомĕн ертÿçи А.Степанов тата Киров ячĕллĕ ял хуçалăх предприятийĕн ертÿçи Н.Андреев уçнă.
Районти техника инвентаризацийĕн бюровĕн директорĕ В.Иванов Вăтакас Татмăш командине республикăра мала тухассишĕн ирттернĕ ăмăртура виççĕмĕш вырăна çĕнсе илнĕшĕн кубок панă.
Хальхи ăмăртура Ямаш ял тăрăхĕн команди пур тĕл пулăва та çĕнтерÿпе вĕçлесе мала тухнă. Иккĕмĕшпе виççĕмĕш вырăнсене Шăхасан тата Янкăлч командисем йышăннă. Çĕнтерÿçĕпе призерсене медальсем панă, укçан преми парса хавхалантарнă.
А.ВИТАЛЬЕВ.