Публикации » Спорт вĕренÿре пулăшать

04 июня 2014 г.

А.Александрова Çеçпĕл Мишши ячĕллĕ Шăхасан вăтам шкулĕнче вĕренет. Авăн уйăхĕн 1-мĕшĕнче 11-мĕш класа çÿреме пуçлĕ. Пĕрремĕш класранпах - вĕренÿ отличникĕ. Шкул пурнăçĕнче те хастар. Спортпа туслă: физкультурăпа спорт комплексĕнчи бассейна ишме çÿрет, вăл - шкулти баскетбол командин членĕ. Настя пĕлĕвне районта иртекен предметсен олимпиадисенче тĕрĕслет. Иртнĕ вĕренÿ çулĕнче чăваш чĕлхипе литературине вĕрентекен Г.С.Ефимова ертсе пынипе республика олимпиадине хутшăнчĕ. Настя чăваш чĕлхипе литературине лайăх пĕлекенсен тупăшăвĕнче иккĕмĕш вырăн çĕнсе илчĕ. Ăна Чăваш Республикин Вĕренÿ тата çамрăксен политикин министерствин дипломĕпе наградăланă.

В.АЧЧА.