23 мая 2014 г.
Нумаях пулмасть Ухман шкулĕнче çул-йĕрĕн çамрăк инспекторĕсен ăмăртăвĕ иртнĕ. Конкурса хăйсен вăйне тăхăр шкулта (Ухман, Хучель, Вăтакас Татмăш, Вăтакас Кипеч, Вырăскас Пикших, Карăклă, Сухайкасси, Çĕнĕ Чалкасси тата Çеçпĕл) вĕренекенсем тĕрĕсленĕ. Ăмăртусем питĕ хĕрÿ иртнĕ, çамрăк инспекторсем хăйсен ăсталăхне тĕрлĕ енлĕ кăтартнă. Ухман шкулĕн команди 1-мĕш вырăн çĕнсе илнĕ, Вырăскас Пикших шкулĕнче вĕренекенсем 2-мĕш вырăна тухнă, Карăклă шкулĕ 3-мĕш пулнă. Конкурссем вĕçленсен ГИБДД инспекторĕсем вĕренекенсемпе тата преподавательсемпе калаçусем йĕркеленĕ, çул çинче тимлĕ пулма асăрхаттарнă.
Д.ГУСЕВ, РФ ШĔМĕн районти ГИБДД пайĕн начальникĕ.