Публикации » Ватăсене пулăшрĕç, палăка тирпейлерĕç

07 мая 2014 г.

Вырăскас Пикших вăтам шкулĕн вĕренекенĕсем Пĕтĕм Раççейри "Çурхи ыркăмăллăх эрни" акцине активлă хутшăнчĕç. 5-мĕш класра пĕлÿ илекенсем вăрçă ветеранĕн А.Григорьевăн килĕнче пулчĕç. Андрей Григорьевичăн картишĕнче тата пÿрт умне çÿп-çапран тасатрĕç, хуçалăхри ĕçсене тума пулăшрĕç. Вуннăмĕш класри волонтерсен ушкăнĕ пĕччен пурăнакан Л.Машанова патĕнче татса çурнă вутта шаршана купаларĕç, çурт таврашне тирпейлерĕç. Саккăрмĕш класс ачисем Тăван çĕршывăн Аслă вăрçинче пуçĕсене хунă ентешĕсене асăнса лартнă палăк территорине тирпейлерĕç. Çиччĕмĕшсем "Шанчăк" ача сачĕн картишне илемлĕ сăн кĕртрĕç.

А.ВИТАЛЬЕВ.