26 марта 2014 г.
Уçырмари культура çуртĕнче хаваслисемпе тавçăруллисен клубĕн "Пĕтĕм пурнăç - театр" конкурс фестивалĕн финалти тĕл пулăвĕ иртрĕ. Сцена çинче хăйсен пултарулăхне "Южный берег" (Вăтакас Кипеч шкулĕ), "WakeMeUp" (Уçырма), "Смайл" (Сухайкасси), "Внуки Михаила Сеспеля" (Шăхасан), "Надежда" (Ямаш), "Цари" (Янкăлч) командăсем кăтартрĕç. Вĕсем "Театр çаккăчран пуçланать", "Ăс-тăн тупăшăвĕ", "Лицедейсем" конкурссенче хăйсемпе паллаштарчĕç, юрлас-ташлас пултарулăхне кăтартрĕç. Куçса çÿркен парнене - ытарайми ĕнене - Вăтакас Кипечĕн пултаруллă ачисем çĕнсе илчĕç. Вĕсем тата "Çеçпĕл Мишшин мăнукĕсем", Сухайкасси шкулĕн воспитанникĕсем пирĕн район чысне пуш уйăхĕн 30-мĕшĕнче Шупашкарта хÿтĕлĕç. Унта республикăн чи лайăх шкул командисем хутшăнĕç.
В.АЛЕКСЕЕВ.