11 января 2013 г.
Чукун çул урлă каçмалли вырăн пысăк хăрушлăх кÿрекен зона шутланать, çавăнпа та ун урлă каçма тăрсан тимлĕхе ан çухатăр, çул-йĕр хăрушсăрлăх правилисене çирĕп пăхăнăр. Профилактика мероприятийĕсем çине пысăк тимлĕх уйăратпăр пулин те аварисенче час-часах çынсен айăпне тупса палăртатпăр.
Чукун çул çинчи инкексене сирсе ярас тĕллевпе районти ГИБДД инспекторĕсем, район администрацийĕн ĕçченĕсем тата 19-мĕш ПЧ представителĕсем профилактика рейчĕ ирттернĕ. Вĕсем чукун çул урлă каçмалли вырăнсенче водительсемпе калаçусем йĕркеленĕ, листовкăсем валеçсе панă. Рейда хутшăннисем, çавăн пекех водительсем те чукун çул урлă каçмалли вырăнсенче çул-йĕр хăрушсăрлăх правилисене еплерех пăхăннипе те паллашнă.
Д.ГУСЕВ,
РФ ШĔМĕн районти ГИБДД пайĕн начальникĕ.