01 января 2013 г.
Статистика çирĕплетнĕ тăрăх, Çĕнĕ çул уявĕнче çулсеренех пушарсен хисепĕ тата унта вилекенсен шучĕ палăрмаллах ÿсет. Тĕп сăлтавсенчен пĕри вăл – вут-кăварпа асăрханусăр пулни! Çынсем çунакан кăмакана тата электричество хатĕрĕсене тимлĕхсĕр пăрахса хăварни те пысăк инкек патне илсе çитерме пултарать.
Инкек сиксе ан тухтăр тесен уяври савăнăçлă кунсенче те тимлĕхе çухатмалла мар. Пушар-хăрушсăрлăх йĕркисене çирĕп пăхăнмалла. Кил-çуртра тата вырăн çине ÿсĕрле чĕлĕм мăкăрлантарни те ырăпа вĕçленмĕ, çунакан кăмакасемпе ăшăтакан электричество хатĕрĕсене тимлĕхсĕр хăварни те инкек илсе килме пултарĕ. Инкек сиксе тухас пулсан пĕр тăхтаса тăмасăрах пушар хуралне 01 е 2-13-37, 112 (сотовый) телефонсемпе шăнкăравласа пĕлтерĕр.
О.ОКРУЖНОВ,
пушар хăрушсăрлăхĕн аслă инспекторĕ.