01 января 2013 г.
Чăваш Республикинчи Халăх пултарулăх çурчĕпе Чăваш наци радиовĕ республикăри фольклор коллективĕсен "Иксĕлми çăлкуçсем" конкурсне ирттернĕ. Унта 22 коллектив хутшăннă. Вĕсен хушшинче Ачча ял тăрăхĕн "Шевле" тата Энтрияль тăрăхĕн "Энтрияль" фольклор ушкăнĕсем те пулнă. Ял артисчĕсен пултарулăхне курма Чăваш патшалăх филармонине халăх юррисене хак паракансем кăна мар, республикăри тĕрлĕ районтан ятарласа делегацисем килнĕ. Пирĕн ентешсем чăваш халăх юррисене юрланă.
"Шевле" тата "Энтрияль" фольклор коллективĕсене йĕркелÿ комитечĕн дипломĕпе, вĕсен ертÿçисене О.Егоровăпа А.Никонорова Чăваш Республикин Культура, национальноçс ен ĕçĕсен тата архив ĕçĕн министерствин Тав çырăвĕпе хавхалантарнă.