Публикации » Фермер хуçалăхĕпе паллашнă

29 января 2014 г.

Районта ĕçлĕ çул çÿревпе Чăваш Республикин ял хуçалăх министрĕ С.Павлов пулнă. Унпа пĕрле район администрацийĕн пуçлăхĕн ĕçĕсене вăхăтлăха туса пыракан А.Егоров çÿренĕ. Вĕсем Çĕнĕ Чалкасси ял тăрăхĕн территорийĕнчи А.Кондрашов фермер (хресчен) хуçалăхĕн ĕçĕ-хĕлĕпе паллашнă. А.Кондрашов сурăх тата хур ĕрчетет. Вĕсене вырнаçтарма "Родина" ял хуçалăх производство кооперативĕн фермин çурчĕсене туяннă. Витесене тĕпрен юсаса йĕркене кĕртнĕ, карта тытса çаврăннă. Сурăхсем пăранлама пуçланă. Çавăнпа та талăкĕпех пăхса тăрассине йĕркеленĕ. Чĕп кăларакан хурсене кăнтăрла уçă сывлăша кăлараççĕ, каçхине витене хупаççĕ. Хĕл каçма апат çителĕклĕ хатĕрленĕ. Министр фермера "Çемье выльăх-чĕрлĕх ферми" программăна хутшăнма сĕннĕ, ăнăçу суннă. В.АЛЕКСЕЕВ.