Публикации » Чукун çул урлă асăрханса каç

22 января 2014 г.

Чукун çул тата автоçул хĕресленекен вырăн – чи кăткăсси тата чи хăрушши. Чукун çул урлă каçмалли вырăнсенче хăрушсăрлăх йĕркелесси питех те пĕлтерешлĕ, мĕншĕн тесен унта аварисем пысăк тăкаксемпе тата çухатусемпе вĕ-çленме пултараççĕ. Çулсем иртнĕ май транспорт шучĕ те, вĕсен хăвăртлăхĕ те ÿсрĕ. Çак сăлтава пула водительсен чылай чухне переездсен умĕнче вăрах вăхăт кĕтсе ларма тивет. Пуçтахраххисем вара çывхарса килекен состав умĕнченех вирхĕнсе каçса кайма тăрăшаççĕ. Çакăн пек водительсене тупса палăртас тата чукун çул урлă каçмалли вырăнсенче автоинкексене сирсе ярас тĕллевпе кăрлач уйăхĕн 24-мĕшĕнче профилактика мероприятийĕ йĕркелесе ирттерме палăртнă. Д.ГУСЕВ, РФ ШĔМĕн районти ГИБДД пайĕн начальникĕ.