Публикации » Курăмлă тÿпе хывнăшăн

25 декабря 2013 г.

Шăхаль хĕрĕ Венера Васильева Кăшнаруйĕнчи сакăр çул вĕренмелли шкултан вĕренсе тухсан Канашри педагогика училищине воспитателе вĕренме кĕнĕ. Алла диплом илсен çамрăк специалиста Шупашкарти ача садне янă. Унта вăл пилĕк çул тăрăшнă. Вунă çула яхăн, садик хупăниччен, Çĕрпÿ районĕнчи Йĕкĕрвар ялĕнчи шкул çулне çитмен ачасемпе ĕçленĕ. Клубра методистра тимленĕ. 2005 çулта çемйипех тăван ене куçса килнĕ. Кăшнаруй ял тăрăхĕн муниципалитетăн "Культурăна аталантаракан тата халăха библиотека пулăшăвĕ паракан центр" бюджет культура учрежденийĕн методисчĕн ĕçне пуçăннă. Культура аталанăвне курăмлă тÿпе хывнăшăн Венера Николаевнăна Чăваш Республикин Культура, национальноçсен ĕçĕсен тата архив ĕçĕн министерствин Хисеп грамотине парса чысланă. В.АЧЧА.