Публикации » Чиркÿсене вут-кăвартан хÿтĕлемелле

25 декабря 2013 г.

Канашри Православи прихучĕн Çветтуй Николай храмĕнче Канаш епархийĕн священникĕсен пухăвĕ иртнĕ. Унта Канаш, Тăвай, Комсомольски, Елчĕк, Красноармейски, Вăрмар, Куславкка районĕсенчи тата Канашпа Куславкка хулисенчи чиркÿ çыннисем хутшăннă. Кун йĕркинчи ыйтусенчен пĕри – Раштав уявне ирттернĕ чухне пушар хăрушсăрлăхĕпе тивĕçтересси. Çакăн çинчен пушар службин пуçлăхĕ А.Шакин тата унăн çумĕ Н.Прокопьев сăмах каланă. Вĕсем 2012-2013 çулсенче Чăваш Ен тата Вырăс православи чиркĕвĕн территорийĕсенче миçе пушар пулнине залра ларакансем патне çитернĕ. Чиркÿ çыннисемпе Çĕнĕ çул тата Раштав уявĕсем вăхăтĕнче пушар хăрушсăрлăхĕн правилисене пăхăнас енĕпе инструктаж ирттернĕ. Вĕсене çав правилăсене асра тытма пулăшакан кĕнекесем панă.

А.ВИТАЛЬЕВ.