20 декабря 2013 г.
Районти ял тăрăхĕсен тĕп культура çурчĕ çумĕнчи "Ентешсем" ансамбль республикăра кăна мар, ун тулашĕнче те ырă ят çĕнсе илнĕ. Нумаях пулмасть коллектив Ульяновск облаçĕнчи Чердаклы районĕнчи Первомайски тата Октябрьски поселокĕсенче концерт лартса панă. Вырăнти халăх канашсене ăшшăн кĕтсе илнĕ, илемлĕ чăваш юррисемпе çĕкленÿллĕ кăмăл-туйăм кÿнĕшĕн тав тунă, тăтăш килсе çÿреме ыйтнă. Коллективра – пултаруллă çынсем, тĕрлĕ конкурс дипломанчĕсем: В.Борисова, Л.Никифорова, О.Микушина, Н.Антонова, Н.Иванова, О.Аристархова, Р.Александров, Чăваш Республикин культурăн тава тивĕçлĕ ĕçченĕсем В.Стекловпа З.Николаева. Хальхи вăхăтра "Ентешсем" хаваслă Çĕнĕ çул программи хатĕрлеççĕ.
В.ПАВЛОВА