Публикации » Ачаран ĕçрен ютшăнман

11 декабря 2013 г.

Çак кунсенче Ачча ялĕнче пурăнакан Г.Мясникова 75 çул тултарчĕ. Вăл мĕн ачаран ĕçре пиçĕхнĕ. Вун тăваттăра "Красная Армия" колхозра, каярахпа "Советская Армия" совхозра ĕçленĕ. Хуçалăхра кайăк-кĕшĕк ферми те пулнă. Унта кăвакалсемпе хурсем ĕрчетнĕ. Çак фермăра нумай çул вăй хунă Галина Семеновна. Тăрăшса ĕçленĕшĕн ăна грамотăсем, парнесем парса хавхалантарнă. Мускавра Халăх хуçалăх çитĕнĕвĕсен куравĕнче та пулма тивĕçнĕ вăл. Тăван çĕршыв тĕп хулинчен медаль çакса таврăннă. Ялти хисеплĕ ватă мăнукĕн çемйипе пурăнать. Г.Мясникован икĕ хĕр, виçĕ мăнук тата пĕр кĕçĕн мăнук. А.ВИТАЛЬЕВ.