22 ноября 2013 г.
Вырăскас Пикших вăтам шкулĕнче хими предмечĕпе районти олимпиада иртрĕ. Унта вăтам пĕлÿ паракан 19 тата пĕтĕмĕшле пĕлÿ паракан 7 тĕп шкултан 60 вĕренекен хутшăнчĕ. Жюри олимпиадăра Надежда Русскова (Янкăлч вăтам шкулĕ, 11 класс), Анастасия Александрова (Шăхасан, 10 класс), Наталья Михайлова (Вăтакас Татмăш, 9 класс) çĕнтерчĕ тесе йышăнчĕ. Елена Васильева (Шăхасан, 11 класс), Валентина Николаева (Вырăскас Пикших, 11 класс), Полина Иванова (Янкăлч,10 класс), Анастасия Филиппова (Шуркасси, 10 класс), Елена Семенова (Янкăлч, 9 класс), Константин Григорьев (Энтрияль, 9 класс) лайăх пĕлÿ кăтартнине палăртрĕç. 2014 çул пуçламăшĕнче çĕнтерÿçĕсен Шупашкарта район чысне республика шайĕнче хÿтĕлеме тивет. Ăнăçу сунатпăр вĕсене!
В.ТИМОФЕЕВ, районти вĕрентÿ управленийĕн методист ĕçĕсене тăваканĕ.