20 ноября 2013 г.
Ноябрĕн 1-10-мĕ-шĕсенче пирĕн районта "Условник" ятпа оперативлă профилактика мероприятийĕ иртрĕ. Операци вăхăтĕнче районти çул çитмен çамрăксемпе ĕçлекен инспекторсем уголовлă пурнăçлав инспекцийĕн сотрудникĕсемпе, участокри уполномоченнăйсемпе, уголовлă шыравăн оперуполномоченнăйĕсемпе пĕрле шалти ĕçсен пайĕнче учетра тăракан, условно майпа айăпланнă ачасем патне çитсе килнĕ. Кунашкал çамрăксем пирĕн районта пиллĕкĕн. Вĕсем, 15-17 çулсенчи ачасем, РФ Уголовлă кодексĕн 158 (вăрлани), 161 (çаратни), 166 (ют çыннăн автомашинине вăрлани) статйисемпе пăхнă преступленисене тунă. Условно айăпланнă çул çитменнисем малашне преступленисем ан туччăр, административлă йĕркене ан пăсчăр тесе ачасемпе тата вĕсен ашшĕ-амăшĕпе калаçусем ирттернĕ, саккунсене ăнлантарса панă. Ачасем суд приговорне мĕнле пăхăнса пурăннине тĕрĕсленĕ. Операци вăхăтĕнче "условниксем" саккуна пăснă тĕслĕхсем пулман.
И.ПАВЛОВА, çул çитменнисемпе ĕçлекен инспектор.