18 октября 2013 г.
Юпа уйăхĕн 14-мĕшĕнче РФ ШĔМĕн районти ГИБДД пайĕн инспекторĕсем Андрей Дмитриевпа Леонид Изратов "Чукун çул урлă каçмалли вырăн" профилактика мероприятийĕ ирттернĕ. Тĕллевлĕ рейд вăхăтĕнче йĕрке хуралçисем водительсем çул-йĕр хăрушсăрлăх правилисене пăхăнман 19 тĕслĕхе тупса палăртнă. Вĕсенчен 3-шĕ чукун çул урлă каçмалли вырăнти светофорăн хирĕçлекен çути çине каçса кайни пулнă.
Чукун çул çинчи аварисем пысăк тата хăрушă инкекпе вĕçленеççĕ, çавăнпа та çав вырăнсенче уйрăмах асăрхануллă пулмалла. Чукун çул урлă каçмалли вырăнсенче йĕркене пăснăшăн водителе 1000 тенкĕ штраф тÿлеттереççĕ, виçĕ уйăхран пуçласа ултă уйăх таранччен водитель удостоверенийĕсĕр те хăварма пултараççĕ.
Д.ГУСЕВ,
РФ ШĔМĕн районти ГИБДД пайĕн начальникĕ.