18 октября 2013 г.
Районти халăха патшалăх тата муниципалитет пулăшăвĕсемпе тивĕçтерекен нумай функциллĕ Центр кăçалхи июлĕн 1-мĕшĕнчен ĕçе пуçăнчĕ. Çак тапхăрта вăл çынсенчен документсен 123 пакетне йышăннă, 85 яхăн çын консультаци илнĕ. Патшалăх пулăшăвĕсене центра куçарассипе ĕç тăвакан влаç органĕсемпе 4 килĕшÿ хатĕрленĕ.
Сентябрĕн 25-мĕшĕнче НФЦ куçман пурлăха патшалăх регистрацийĕ тăвассипе, патшалăх кадастр учетне илессипе заявленисем йышăнма пуçланă. Пилĕк кунра кăна документсен 23 пакетне йышăннă.
Çынсем патшалăх тата муниципалитет пулăшăвĕсене "пĕр чÿрече" мелпе илме тăрăшнине палăртаççĕ кунта ĕçлекен специалистсем. НФЦ урлă ĕçлени вăхăта перекетлеме те, документсене йĕркеллĕ хатĕрлеме те пулăшать.
О.ИЛЬИНА.