20 сентября 2013 г.
Çакăн пек ятпа республикăра экологи акцийĕ старт илнĕ. Тăван тавралăха илемлетес, тĕрлĕ вырăна çÿп-çапран тасатса хăтлăлатас тĕллевпе йĕркеленĕ акцие район-хулари çĕр-çĕр çын хутшăнать.
Шăмат кун Шупашкарти Ленин районĕнчи 380 волонтер Вăрнар çулĕн юппинчи тата Ача-пăча пултарулăх çурчĕн çывăхĕнчи территорие çÿп-çапран тасатнă. Техникум-колледжсенче тата аслă шкулсенче ăс пухакансем темиçе сехетре 650 яхăн миххе тултарнă. "Хамăр пурăнакан вырăн Тавралăха хÿтĕлемелли çулталăкра кăна мар, ялан таса та илемлĕ пултăр", – пурне те чĕнсе каланă çамрăксем.
А.АНДРИЯНОВ.