11 сентября 2013 г.
Кăçал сакăр уйăхра районта 63 автоинкеке шута илнĕ, вĕсенче 95 çын аманнă, 14-шĕ пурнăçран вăхăтсăр уйрăлнă. Иртнĕ çулта ку вăхăт тĕлне лару тăру çапларах пулнă: 56-72-12.
Çÿлерех асăннă аварисенчен 16-шĕ çуран çÿрекенсем çул-йĕр хăрушсăрлăх правилисене пăхăнманнипе пулни паллă. Хăвăртлăх режимне пăхăнманнипе 25 инкек сиксе тухнă. Чукун çул урлă каçмалли вырăнта йĕркене пăсни 1 тĕслĕх пулнă. Руль умне ÿсĕрле ларнипе 7 инкек пулнă.
Ачасем кустăрма айне час-часах лекни те пăшăрхантарть. Çулталăк пуçланнăранпа 8 ача аманнă, пĕри вилнĕ.
Д.ГУСЕВ,
РФ ШĔМĕн районти ГИБДД пайĕн начальникĕ.