11 сентября 2013 г.
Районти ЗАГС пайĕ кăçалхи август уйăхĕнче 31 ача çуралнине регистрациленĕ. Çулталăк пуçланнăранпа 347 пепке çут тĕнчене килнĕ. Ку кăтарту пĕлтĕрхи çак тапхăртипе танлаштарсан 7 ача ытларах. 40 çын пурнăçран уйрăлнă. Шел пулин те, вилекенсен шучĕ питех те пысăк, иртнĕ çулхинчен 70 çын нумайрах (8 уйăхра – 392 çын).
Çулталăк пуçланнăранпа 86 мăшăр çемье чăмăртанă пулсан (август уйăхĕнче – 11), 71 мăшăр тĕрлĕ сăлтава пула уйрăлса кайнă.
Ултă ашшĕ хăйсен ачисене йышăннă, пĕр çын ашшĕ-амăшĕ хунă ята ылмаштарнă.
Статистика кăтартăвĕсем тăрăх, арçын ачасене ытларах чухне Егор, Кирилл, Александр, хĕрачасене Виктория, Анастасия, Анна ят хураççĕ.
Хамăр инф.